108 Assaɣen Yenbeddalen

Win yellan di Lmasiḥ, yuɣal d taxelqit tamaynut. Tiɣawsiwin tiqdimin kfant ; tura, kullec yuɣal d amaynut.

2 At Kurintus 5.17

Deg uḥric 106, nelmed belli Rebbi yesbedd argaz d tmeṭṭut di tebḥirt n Ɛayden i wakken ad setnefɛen s tdukli ikemlen yid-es yerna ad faṛṣen deg wayen akk i d-yexleq. Imi amdan iɛuṣa Rebbi, yesṛuḥ laman-nni i yellan akked Win i t-id-ixelqen, i yellan d Rebbi yelhan, i d-yefkan kullec i wemdan. Netta (amdan) yebɣa ad yettkel kan ɣef tezmert-is d tmusni-ines, ur d-yecliɛ ara deg wayen i s-d-yezzin. Assaɣen-is tezdeɣ-iten tugdi, ṭṭmeɛ d tinesfi (égoïsme). Atmaten ttmenɣan, assaɣ yellan gar wemdan d Win i t-id-ixelqen s leḥmala yuɣal d assaɣ n teɛdawit.

Rebbi iceyyeɛ-ed Mmi-s ɣer ddunit i wakken ad yesseḥlu assaɣen yeṛẓen. Lmasiḥ yusa-d i wakken ad ɣ-d-yekkes si tkelwa n ddnub d tugdi, s yis ad nuɣal d arraw n Rebbi Babat-neɣ. (At Galasia 4.6-7). Yasuɛ ibeyyen-ed belli Rebbi yesɛa tazmert meqqṛen ɣef ddnub d lmut, yerna yettak-ed i warraw-is, i d-ilulen talalit tamaynut, tazmert akken ad idiren s leḥmala d tdukli ifazen akked yemdanen nniḍen. Di tektabt n Lecɣal, mi akken i d-yers Ṛṛuḥ iqedsen ɣef inelmaden, d ilulufen n yemdanen iwumi i tettubeddel tudert-nsen armi i nwala arraw n Rebbi ddmen-d akk ayen i sɛan feṛqent d imeɣban, ur d-yeqqim gara-sen win yenḥafen. Aɣawas n Rebbi yella-d i wakken lxiṛat akk i d-yefka i wemdan di txelqit ad d-binen di Tmezdayt-is i d-ilulen. Abeddel-agi meqqṛen i d-yeḍṛan yennul akk assaɣen-nneɣ.

Deg welmud agi ad d-nwali :
Timsirin:

1. Assaɣen-nneɣ di twacult
2. Assaɣen-nneɣ di lxedma
3. Ad nissin ad nessaxdem adrim d cci i nesɛa
4. Assaɣen-nneɣ d yemḍebbṛen akked lḥekkam n tmurt
5. Assaɣen-nneɣ d wid ur nelli ara d imasiḥiyen

Nouvelle édition téléchargée le 8 mars 2025!