Asileɣ n unelmad i lmumnin ijdiden
Ad negmu akken Aswir 1 d ahil n usileɣ i lmumnin ijdiden. Inehhu-ten akken ad lḥun d Ssid, s tɣuri n wawal-is d tudert di lemxalṭa n tegmat akked lmumnin wiyaḍ. Timsirin-a ttwarunt sɣur imuzzag (spécialistes) yerna ttusemman yakan « Timsirin n Gemmu di rruḥ ».
Aswir 01 deg-s 11 n Tayunin* (unités) ideg llan isental n lsas icudden ɣer tudert n unelmad i isɛan yal yiwet 5 n yiḥricen, ihi akkit ad d-naf deg-s 55 n yiḥricen. Ahil-a iwulem, limmer d lebɣi, ad yettwaxdem d tirebbuyaɛ : inelmaden ad d-heggin yal tamsirt s tezrewt (leqraya) I yiman-is ixfawen n Tira Iqedsen- leqraya-a ad d-teṭṭef ssaɛa neɣ snat- s yin ad nnejmaɛen akked inelmaden wiyaḍ n terbeɛt iwakken ad ferqen tiwfitin-nsen wad ẓallen akken s ddaw leɛnaya n umekyuḍ n terbeɛt. Laqent azal n 15 n sswayeɛ i leqraya n yiwet n tayunt. Skud ttaẓen inelmaden deg wahil, ttnerni deg ufraz n rruḥ, seǧhaden iman-nsen di tikli akked Yillu rnu snernayen tazmert-nsen ad d-ssilɣen inelmaden wiyaḍ.
Tarrayin n ulmad llant s waṭas n wudmawen. Tirebbuyaɛ zemmrent ad mlilen yiwet n tikkelt i ddurt, tikkelt I snat n ddwar neɣ ad gen tazrawt iḥerṣen, anida ara zerwen 5 n temsirin n yiwet n tayunt tusligt di leḥnaḍi n taggara n ddurt neɣ n n 5 n tmeddiyin i d-imseḍfaren. Tzemreḍ daɣen ad d-txedmeḍ timsirin-a I yiman-ik s lmeεwna n wukyis ara k-irafqen, s tebratin neɣ s wudem uqqin. I zzyada n ttfaṣil, arut-aɣ-d ɣer tnasa-a: [email protected]
Ilaq ad d-tzedmem Adobe Acrobat reader iwakken ad d-teldim timsirin imgaraden. Tzemrem s yin ad tent-terrem di lkaɣeḍ wad d-tgem tilsura* (copies) akken tebɣam.
Adlil n umekyuḍ iwjed I kra n tayunin. Illa daɣen awfus i yimekyuḍen n trebbuyaε i yesεan kra n yisteqsiyen iseddasen * (synthèse) i izmer ad issexdem di taggara n teglellit (tiɣimit) n yal tayunt. Nufa-d d akken akayad izmer ad yeg lḥir i yinelmaden wad ten-iεiwen deg uḥraz n wayen lemden. S umlellay, yiwet n tezrirt n yisteqsiyen n ukayad I d-ittaken tiriryin wezilen tettunefk-d I yal tayunt deg yiwen ufaylu I yiman-is, ittusemman “ Ikuyad”.
Timsirin n Uswir 1:
Niveau 1 Cours
Lmed ad d-tissinem Awal n Yillu
Jerdet iman-nwen tura!