Seg yimiren, ttdumun deg uselmed n yimceggɛen, di lemxalta, di beṭṭu n uɣrum akked tẓallit. Lecɣal 2.42
Aṭas n lɣaci i yellan ur fhimen ara akken ilaq d acu i d tamezdayt Ԑisa Lmasiḥ. Awal n « Ecclesia » i d-ikkan si tutlay tayunanit, iwumi neqqar s tutlayt-nneɣ « Tamezdayt » ur yebɣi ara ad d-yini d lebni neɣ d axxam, lameεna d anejmuε n lɣaci i d-ittusawlen a d-ffɣen si, neɣ » i d-ittwaxtaren, uɣalen di rrif ». Ssira yifen akk tiyaḍ iwakken ad tfehmem akken ilaq tteṣwira n tidet n Tmezdayt amek i tella, d Tira Iqedsen; ddmet-tt-id ad tt-teɣrem iwakken ad tt-walim deg-s lemqsud n Yillu, ayen i d-ihegga di lebɣi-s i wid i yumnen s Ԑisa Lmasiḥ, nutni yellan d tamezdayt n ṣṣeḥ. Di temsirin agi, ad nelmed ɣef wayen yeεnan isaka agi :
Timsirin:
- Amek i d-tlul Tmezdayt.
- Tteswirat i d-netteddem iwakken a d-nessefhem amek i texdem Tmezdayt, d acu-tt.
- Lumur neɣ leqwanen n Tmezdayt.
- Wid ittwellihen di Tmezdayt.
- Anejmaε ameqran amezwaru n Tmezdayt.