Aswir 01:
Ad negmu akken aswir 01 d yiwen n wahil n usileɣ n yinelmaden i lmumnin imaynuten. Iswi-s d akken ad ten-iwali teddun d Ssid, s ulmad n wawal d tikli di lemxalṭa d watmaten nniḍen yumnen yakan. Tamsirt tesɛa 55 n tezrawin (11 n tferdiyin i 5 n temsirin) i deg llan isental iwulmen Tudert n unelmad. Inelmaden ad d-heggin yal tamsirt s tezrawt (taɣuri) tamadnant* (personnelle) n yixfawen n Tira illan deg-s. S yin ad d-cerken tiwfitin-nsen akked inelmaden wiyaḍ, sddaw leɛnaya n umekfaḍu-nsen. Skud gemmun inelmaden, ttnernin deg ufraz di rruḥ, d tmummit di tikli-nsen akked Ssid, skud ttizmiren ad d-ssilɣen s timmad-nsen inelmaden ijdiden.
Aṭas n tarrayin n tezrwat i iwejden: Asileɣ izmer ad yili d tirebbuyaɛ ara yettemlilin yiwet n tikkelt i ddurt, i snat n ddwar, s tewzel n 5 n temsirin di taggara n ddurt, neɣ yal ass ɣef 5 n tmeddiyin. Asileɣ amadnan izmer ad ittwaxdem udem s udem, s ttawil n tebratin neɣ s Internet s lemɛiwna n uselmad.
Aswir 02
Ahil n uswir wis 2, i yettawin ɣer uselkin n uheggi n leqdic amasiḥi, ittak yiwen n usileɣ isɛan lsas di Tira i yinelmaden d iqeddacen di tmezdayt. Imugg:
1) I wid ikfan asileɣ n lsas (aswir amezwaru neɣ ayen nniḍen) d wid ibɣan ad gmun di tmussni n Yillu d Wawal-is.
2) I wid ibɣan ad kemmlen di leqdic di tmezdayt neɣ ad uqlen d iselmaden, d imekyuḍa n trebbuyaɛ timecṭaḥ neɣ d iqdimen.
Ahil-a isεa aseggas n ulmad deg uɣerbaz amasiḥi. Ibḍa ɣef 11 iḥricen: lsas neɣ tidelli* (tronc commun) n 10 n temsirin + 1 n temsirt tafarant(option) n uheggi i leqdic uslig. Mkul almad isɛa azal n 60-90 n swwayeɛ n ulmad, n tezrawt tamadnant d warmuden icudden ɣer leqdic. Inelmaden zemmren ad tebɛen ahil-a ɣef tikkelt wad t-fakken deg useggas neɣ ad t-bḍun d iḥricen ɣef 3-4 iseggasen, skud ttkemmilen lxedma-nsen neɣ leqdic-nsen.
Timawit
Ad Negmu Akken- Alqem*(version) imawi ittawi-d isental illan deg wahil n uswir 01, meɛna imugg i wid iḥemmlen ugar taywalt*(Communication) timawit d tezrawt di terbeɛt neɣ tin n tmadnant-weḥd-s). Aya iwulem i wid isɛan aswir ilhan deg ufham, i izemmren ad lemden axir s timawit, d wid nniḍen am yimdanen isɛan tilas di leqraya-nsen ur nezmir ara ad tebɛen tamsirt yuran neɣ wid ur nessin ara ad arun wad ɣren. Ahil-a iwulem ladɣa i trebbuyaɛ isɛan aswir n leqraya ixelḍen.
Ahil-a isɛa azal n 70 isental iwulmen i usileɣ n unelmad. Aṭas n tarrayin i yettwasexdmen iwakken ad ɛiwnent lmumnin imaynuten ad gzun, ad rren d lfeɛl tidettin n Tira i lemden: aṭas n wallalen n cfawat, amezgun, assuneɣ, allalen n umesliẓraw, ccna, taẓallit, lewqat n yinawen d usqerdec, tassaɣin di lfeɛl, ɣer taggara…Isilaɣ ttuseddsen iwakken ad ḥellsen imekyuḍa n trebbuyaɛ timawin akken ad asen-fken ttawilat iwulmen i uselmed ifazen. Tzemrem ad aɣ-d- tarum, i zzyada n ttfaṣil ɣer tansa-a: [email protected]