D iseggasen aya, tarbeεt n Ad negmu Akken txeddem i uheggi n temsirin n usileɣ iwakken ad d-nerr tiɣri n tuɣdat i aɣ-d-ifka Ssid « Ad d-neg leǧnas merra d inelmaden »
Ticetlin* (inititaive) timezwura : TEE (Asileɣ asnillu asrummas* (décentralisé))
Di 1973, TEE texdem ahil-is amezwaru n usileɣ asnillu asrummas dɣa thegga timsirin s tefrensist d taεrabt i terbeεt n yinelmaden i d-yusan si tferka ugafa. Yiwet n tsuta n yimḍebren n tmezdayin tettwasileɣ. D acu kan, di tlemmast n 80, ahil-a yuqel ur yettwasexdam ara.
Aɣerbaz n Tira deg unebdu
Deg useggas n 1987, d aɣerbaz n Tira deg unebdu i d-ilulen, di tazwara di Spenyul, s yin di Fransa d Tferka Ugafa. Azal n 25 iseggasen EBE Ittak, yal anebdu, 2 n ddwar n tezrawin n tira s lḥers. Tira s 10 n temsirin. Ahil-a, yettusemman “Ad negmu akken– Aswir 1”, iwjed yakan s teεrabt, s Tefrensist d Teglizit, seld ad d-yuɣal ɣer Teqbaylit d Tespenyult. Tamsirt tis 11 ɣef ssmaḥ d lemṣalḥa iqfel tazrirt-a deg useggas n 2008.
Aswir 1
Di lweqt-nni, lmeḥwiǧat n usileɣ i lmumnin ijdiden s immal ittzad. Illa-d uḥtac ɣef waya i yessawḍen, di 1995, ad d-ittwaheggi wahil nniḍen n tezrawt n
Aswir 2– Aselkin n uheggi i leqdic Amasiḥi
Iwakken ad d-tili tririt i lmeḥwiǧat simmal ittnernin n wahil n usileɣ inelmaden ikkan ɣer sdat neɣ n tezrawt talqayant i uheggi n wid ara iqedcen di tmezdayt, yiwen wahil n useggas ittwahegga-d. Deg useggas n 2000, iswiyen banen-d dɣa 30 n temsirin ttwaεezlent. Ahil-a ittwaseqsef armi i d-islal Aswir 2 n Ad negmu akken i nesseqdac ass-a. Aswir 2 deg-s tidelli n 10 n temsirin d tezrirt n temsirin s lxetyar ara iheggin anelmad i leqdic uslig. Timsirin-a ttwasbuɣrent ugar s tɣuri iwulmen, ikuyad i yeḥwaǧen tazmert n umeyyez d uṭṭebbeq asemras ara yawin anelmad ad isεu Aselkin n uheggi i leqdic amsiḥi. Ad negmu akken Aswir 2 yettwaqbel sɣur MEATE (Middle East Association of Theological Educators- Tidukkla i tegmi tasnilluyant deg usammer alemmas). Ar ass-a, akk timsisrin n udelli* (tronc commun) wejden, meεna nettkemmil afares n temsirin tijdidin s lxetyar iwakken ad d-nefk afran ameqran i wid issewjaden i leqdic uslig.
Timawit
Di 10 iseggasen iεeddan, aṭas n usuter i aɣ-d-ittawḍen, ladɣa si Tefrka Ugafa, i temsirt n usileɣ i inelmaden imaynuten ur nezmir ara, imi llan neɣ kkan-d seg yidles imawi, ttextirin ur ttabaεen ara tamsirt s tira. Deg useggas n 2008, yiwet n terbeεt tekker-as i leqdic iwakken ad d-temtati iswiyen akked ugbur n Aswir 1 n Ad negmu akken i wid ilemden s timawit kan. Yiwet n tmedrut n usileɣ n yimekyuḍa tella-d di Furar 2015. Seg yimir, isilaɣ s timawit ffuktin di tferka ugafa, di Urupa, deg usammer alemmas d wanida nniḍen. Taẓrigt tamezwarut innekmalen n Ad negmu Akken Aswir 1– alqem imawi ilul-d di yennayer 2016.