Nesɛa tukciwin yemxallafen, akken i tella nneɛma i aɣ-d-ittunefken. Romains 12.6
“Yemmut ɣef medden merra, iwakken wid yeddren ur ttεicin ara i yiman-nsen, lameεna ad εicen i win yemmuten yerna yeḥya-d ɣef ddemma-nsen. » (2Kurintus 5.15)
Tudert tamasiḥit tesεa nnfeε akked lemzeyyat timeqranin aṭas. Ladɣa, win ara yessersen lettkal-is ɣef Lmasiḥ, ilaq-as ad ibnu ɣef yiman-is a d-immager acqirri di lecɣal akked lkalafat timeqranin.
Ahat tfehmem yakan ay-agi mi teqqarem s telqayt udmawen yeεnan tidett i tlemdem di temsirin nni iεeddan. Tfehmem yakan lmeεna n wayagi deg wayen yeεnan aqehhar, imenɣi di rruḥ akked lεalaqat-nneɣ akked wiyaḍ.
Amasiḥi ittidir i Sidi Rebbi akked wiyaḍ ; swakka i d-nessakan leḥmala-nneɣ i Lmasiḥ akked leqrar i ntteṭṭef iwakken ad neqdec i tgelda n Sidi Rebbi. Taktabt Iqedsen teqqar s tteḥqiq belli nukni yellan d agdud n Sidi Rebbi, nettwafda-d iwakken a t-neεbed yerna a neqdec fell-as.
Laεbada tettttas-ed tt-ttamezwarut, mbeεd, nettttusawel-ed iwakken a neqdec i Yillu-nneɣ. Ma yella Sidna Ԑisa d Ssid, imi d netttta i d axellaq-nneɣ, i d Amsellek-nneɣ, ɣur-es ihi azref neɣ lḥeqq iwakken ad ɣ-d-isiwel ɣer leqdic fell-as.
Di temsirin i d-iteddun, ad nennadi a nefhem acuɣer i ɣ-ilaq a neqdec ɣef Sidi Rebbi, d acu i gellan di leqdic amasiḥi, amek i nezmer a nili d iqeddacen unsiḥen neɣ imekdiyen.
Timsirin:
- Ayen i gettdeggiren amasiḥi iwakken ad iqdec: Acuɣer ilaq leqdic ?
- Lemtel di leqdic amasiḥi: Anwa-t lemtel-nneɣ ?
- Amek ilaq ad iqdec wemḍebber n tmezgida: D acu i gezwaren ?
- Iswiyen akked temɣer neɣ tewseε n leqdic amasiḥi: D acu i d iswi-nneɣ ?
- Tazmert i leqdic amasiḥi: Amek i yettarra Sidi Rebbi aqeddac-is d win izewren ?