Nettẓalla…
I wakken ad telḥum s tikli i yebɣa Ssid-nneɣ
Akken ad s-tɛeǧbem s lekmal.
Lfakya ara d-yilin deg-wen d lecɣal yelhan
Yerna ad timɣuṛem di tmusni n Rebbi.
Ikulusiyen 1.10
Ula d yiwen deg-neɣ ur yezmir ad yerwel ɣef tezrirt (influence) n tmetti ideg nettidir. Nettmeslay akk tutlayt-is, nettidir s yedles d lɛaddat-is. Mi ara neqbel Yasuɛ d Amsellek, d Ssid n tudert-nneɣ, taflest-nneɣ tamaynut ad tbeddel tikli-nneɣ. Ssid-nneɣ Yasuɛ yeqbel kra si leɛwayed i tettidir tmetti, maca ixeddem deg ulawen-nneɣ i wakken ad ɣ-yawi ad nxemmem ɣef kra n leɛwayed nniḍen ur nelhi ara.
Amek ara nẓeṛ s tikli i ilaqen ad ttnesɛu nekkni yellan d inelmaden n Lmasiḥ ? Dacu i ilaqen ad t-nexdem neɣ ur t-nxeddem ara ? Anda ara naf tazmert i wakken ad nidir ayen swayes i nettuqenneɛ ?
Di tmuqint-agi n temsirin, ad neɛṛeḍ ad nefhem dacu i ilaqen ad t-nexdem di yal tagnitt. Nettnadi ad d-nbeyyen amek i yezmer uneflas (croyant) ad yessexdem aselmed i ɣ-d-yefka Yasuɛ deg Wawal-is (Adlis iqedsen), i wakken ad yelḥu akken ilaq di tudert-is n yal ass. Tikli s uselmed-agi d d tudert yis yal ass tettusemma « tikli tamasiḥit ». Ilaq yal amasiḥi ad yissin aselmed-agi i yebɣa Rebbi ad t-nissin, s lemɛawna n Ṛṛuḥ iqedsen d nnehwat n tmezdayt ideg nettidir ; akka ad nidir s tebɣest i wakken ad nessefṛeḥ Lmasiḥ di yal taswiɛt.
Di ṛebɛa n temsirin timezwura, ad nɣeṛ ɣef lsas n tikli tamasiḥit, ad nwali s tdukli amek ara nessexdem aselmed-agi di yal aḥric n tudert.
Timsirin:
- Ɛecṛa n isuḍaf
- Asaḍuf ameqqṛan akk deg-sen
- Aselmed n Yasuɛ
- Rebbi ad yerr tafrit-nneɣ (conscience) d tamaynut
- Ad ɣ-yesseǧhed i wakken ad d-nefk lfakya
Nouvelle version: Révisée et téléchargée le 1 janvier 2025!