Aselkin i uheggi ɣer leqdic amasiḥi
Ahil n uswir wis 2, i yettawin ɣer uselkin n uheggi n leqdic amasiḥi, ittak yiwen n usileɣ isɛan lsas di Tira i yinelmaden d iqeddacen di tmezdayt. Imugg:
1) I wid ikfan asileɣ n lsas (aswir amezwaru neɣ ayen nniḍen) d wid ibɣan ad gmun di tmussni n Yillu d Wawal-is.
2) I wid ibɣan ad kemmlen di leqdic di tmezdayt neɣ ad uqlen d iselmaden, d imekyuḍa n trebbuyaɛ timecṭaḥ neɣ d iqdimen.
Ahil-a isεa aseggas n ulmad deg uɣerbaz amasiḥi. Ibḍa ɣef 11 iḥricen: lsas neɣ tidelli* (tronc commun) n 10 n temsirin + 1 n temsirt tafarant(option) n uheggi i leqdic uslig. Mkul almad isɛa azal n 60-90 n swwayeɛ n ulmad, n tezrawt tamadnant d warmuden icudden ɣer leqdic. Inelmaden zemmren ad tebɛen ahil-a ɣef tikkelt wad t-fakken deg useggas neɣ ad t-bḍun d iḥricen ɣef 3-4 iseggasen, skud ttkemmilen lxedma-nsen neɣ leqdic-nsen.
Asdisyur 01 | Asdisyur 2 | Asdisyur 3 |
|
|
|
Ad negmu Akken Aswir 2 isεa 11 n temsirin anida tella tidelli n 10 n temsirin d yiwet nniḍen n uheggi i leqdic uslig. Yal tamsirt tettawi azal n 60 ar 90 n swayaε n leqraya, n lweqt di tmeɣriyin d warmuden imiren ad fakken s ukayad. Inelmaden zemren ad kemmlen ahil-a ɣef 3 neɣ 4 iseggasen skud lehhun-d d lxedma-nsen neɣ leqdic-nsen, akken i zemren ad t-fakken deg useggas ma qqaren yal ass. Yiwen ugerdis ad yettunefk i wid ara yessiwḍen ɣer taggara n ulmad s trennawt.
Yal tamsirt ad d-tass ad d-tekmel asileɣ n unelmad di rebεa n taɣulin-a : Tira, Aselmed, Tamezdayt, Lfeεl di tudert Tamasiḥit, d yiwen n usileɣ wayeḍ ɣef leqdic uslig. S umata llant 9 n temsirin di yal aḥric.
Timsirin-a ttwaheggant i ulmad di Terbeεt: yal anelmad ad iheggi tamsirt si tazwara– aheggi-a ad iṭṭef 2 d uzgen ar 8 n swayeε akken llan warmuden i d-ittwasutren– s yin tarbeεt ad d-temlil ddaw leεnaya n umekyuḍ n terbeεt ma d wid ittekkan ad sqerdcen tiririyin-nsen wad ẓallen akken. Meεna zemmren ad xedmen timsisrin-a s ttawil n tebratin. I waṭas n ttfaṣil, arut-aɣ-d ɣer tansa-a: [email protected]
Adlisufus n usileɣ ad yettunefk i imḍebbren n trebbuyaε d yiwen n udlil (imwelleh) asegmisan (pédagogique) iwjed i tuget n temsirin n uswir wis 2. Tiɣbula-a, d wayen nniḍen, wejdent, s usuter i yimḍebbren n trebbuyaε ittwajerden s ttawil n usebtar Aswir 2 : Asebtar n uselmad/ asemyaddas.