Iswi n temsirt
Asileɣ n yimeqranen n tmezdayt, imḍebren n trebbuyaε n yinelmaden d imeksawen iwakken liman n yimekdiyen ad yers ɣef lsisan iǧehden deg wayen iεnan Adasil neɣ aselmed, iwakken ad ttwaḥerzen mgal iselmaden n lekdeb d isekkuden-nsen ittɣurrun s tmusni iwatan n uselmed alsisan n Tira Iqedsen.
Tasrudemt n temsirt
Tamsirt-a tessenqad isekkuden n lsas i icerken akk timezdayin tinǧiliyin yellan di ddunit. Di tikli n yimenzayen n uselmed n yinelmaden imezwura (azamul n Yimceggεen), ad yawi inelmaden ad ɣren wad zerwen ixfawen n Tira Iqedsen yellan d lsas deg wayen i d-ttberriḥ Tira deg uselmed-is alsisan.
Igmaḍ yettwarǧan seg usileɣ-a
Agbur : Γer taggara n temsirt, anelmad…
- Ad yizmir ad d-issken aselmed n Tira Iqedsen alsisan ɣef ṭṭbiεa n Yillu, n Lmasiḥ d Rruḥ Iqedsen, ɣef umdan, ddnub, leslak, tudert tamasiḥit, Tamezdayt, tigawin tuɣrisin d tuɣalin n Lmasiḥ yerna ad izmir ad d-iwekked aya s tseddarin n Tira i wayen akk iεnan tineqqiḍin-a.
- Ad ifhem assaɣen illan gar tneqqiḍin-a n uselmed iwakken ad t-yeg d yiwen imtatan.
- Ad izmir ad d-issken d akken liman di tneqqiḍin-a n uselmed, ma ttwafehment akken iwata, ad sεunt later di tudert d tikli n lmumen.
Ṭṭbiεa : Γer taggara n temsirt, Anelmad iwulem…
Ad yeg wad iεreḍ ad ijmeε deg wallaɣ-is Tira Iqedsen am wallal n unenrni di rruḥ.
Ad iẓer timmad n ṭṭbiεa n Yillu am umedya i gemmu-is di rruḥ d leqdasa-s.
Ad issegmi leḥmala lqayen i ulmad n Tira d lebɣi ad iḥrez wiyaḍ seg uselmed n lekdeb.
Tiẓwarin: Γer taggara n temsirt, anelmad…
- Ad issiweḍ ad d-icfu i cchada n liman wad tt-id-yini seg uqerruy-is.
- Ad yili iwjed akken ad d-iwekked aya s tseddarin n Tira Iqedsen.
- Ad yizmir ad d-issers yiwen n uselmed ɣef tedyant n leslak i tegzi n wamek i d-ttwanan neɣ i immug uselmed.
- Ad issiweḍ ad yeεqel isekkuden (islemden) n lekdeb n kra n ṭṭayfat wad izmir ad d-issken isekkuden ifesden i yellan d lsas n uselmed-nsent.