109 Amennuɣ N Ṛṛuḥ D Lecɣal Berriken N Diri (Occultisme)

Sǧehdet iman-nwen s tezmert tameqqṛant n Rebbi. Refdet leslaḥ meṛṛa i d-yettak, i wakken ad teṭṭfem, ur kun-iɣelleb ara Cciṭan s tḥila-ines. Ifasusen  6.10-11

Yal aneflas, yebɣa neɣ ur yebɣi, ad d-yaf iman-is yekcem deg umennuɣ n ṛṛuḥ mgal tizmar n cceṛ (At Ifasus 6.10-13). Iblis (diable) d ccwaṭen-is, s tdukli, di yal lawan, nutni d aḥeyyel mgal-nneɣ; kkaten kan amek ara ɣ-sbeɛden ɣef Rebbi, neɣ ma zemren, ad ɣ-snegren. Dacu kan Rebbi ur ɣ-yettaǧǧa ara weḥḥed-neɣ, yettḥunnu fell-aneɣ. Yettḥarab fell-aɣ, yettak-aɣ-d tazmert i wakken ur nɣelli ara yerna ad nesɛu tarennawt. Ilaq daɣen ad nẓeṛ belli Rebbi yeɣleb yakan iɛdawen-agi iṛuḥaniyen yerna yafka-yaɣ-d i nekkni tarennawt-is (At Ruman 8.37 ‑38). Amennuɣ-agi mgal tizmar n cceṛ yezga yettusemma « amennuɣ n ṛṛuḥ ».

Yal amdan i ikecmen di lecɣal-agi berriken n diri, yeɣɣaṛ yerna yettnadi aṭaṣ ad yesɛu assaɣ akked tizmar tiṛuḥaniyin tuffirin, ixeddem aya i wakken kan ad tent-yessexdem i lfayda-ines n yal ass. Am akken ara t-id-nwali, ayen akk yeɛnan lecɣal-agi berriken uffiren cudden ɣer tezmert n Cciṭan ; ur ilaq ara i yineflasen ad ttekkin deg waya. D ayen yessewhamen aṭas mi ara nwali anda i wwḍen yemdanen di lecɣal-agi iberkanen (ssḥur, akacef, leɛbada n lmeyytin …), nettwali aya yal ass, llan wid i ten-ixeddmen s tuffra, llan daɣen wid i ten-ixeddmen ɛinani. Ɣef wayagi ara d-nini d akken aselmed-agi i wen-d-newwi yezmer a wen-yili d lfayda meqqṛen i tikli-nwen akked Rebbi.

Timsirin:

1. Ssid Yasuɛ Lmasiḥ yesɛa adabu ɣef kra yellan
2. Dacu i nella di Lmasiḥ
3. Nettuheyya i wakken ad nqabel amennuɣ n ṛṛuḥ
4. Ad neṭṭef zdat n Cciṭan (ur nɣelli ara)
5. Ad nbeɛɛed iman-nneɣ ɣef lecɣal berriken n diri (pratiques occultes)

Nouvelle version: Révisée et téléchargée le 10 mars 2025!