Rebbi imuqel ɣer wayen akk i d-yexleq, yufa belli kullec yelha. (…) Akka i ttwaxelqen igenni d lqaɛa d tzemmar akk yellan deg-sen. Ass wis sebɛa, Rebbi yekfa taxelqit-is. Yesteɛfa mi i yekfa taxelqit meṛṛa deg wass wis sebɛa. Laṣel n ddunit 1.31 ar 2.2
Izen n Linǧil s tidett d ‘Lexbaṛ n Lxiṛ’ i yemdanen meṛṛa. Yebna ɣef ṛṛeḥma – mačči d amdan i t-yuklalen – d wa i yellan d amgared akked ddiyanat nniḍen.
- Ddiyanat qqaṛent-ed :
« Xdem akka, ur xeddem ara akka », yerna wissen ma yella ad tuklaleḍ leslak n Rebbi. »
- Leslak n tidett i d-yettunefken seg igenni yeqqaṛ-ed :
« Dayen ! Yasuɛ ixelleṣ yakan, ṭṭlaba n ddnub s lekmal, yefka ssuma ilaqen i leslak-nneɣ. »
Di tmuɣli tamezwarut, izen-agi yezmer ad d-iban ixuṣ neɣ ur yebni ara ɣef lḥeqq i waṭas n yemdanen. Maca ma nmuqel ɣer yixfawen imezwura n Laṣel n ddunit, ad naf belli aya yella d lsas agejdan n Linǧil. Syin akin, ad naf daɣen belli aya yettwasefhem-ed yerna yennekmal deg Udlis iqedsen s umata.Aḥric-a yebna ɣef tlata n yixfawen imezwura n Wedlis iqedsen. Ad nwali daɣen kra n yeḥricen nniḍen n Tira iqedsen, i wakken ad nessalqi aselmed-nneɣ yerna ad t-nefhem akken iwata.
Yal tamsirt ad d-tbeyyen yiwet n tidett tagejdant n Lexbaṛ n Lxiṛ i d-yewwin leslak swayes i nuɣal d ilelliyen si ddnub akked uḥaseb, d win i d-yerran daɣen assaɣ amaynut gar-aɣ aked Rebbi s Yasuɛ Lmasiḥ. Iswi n weḥric-a d win ara yawin yal anelmad ad yefhem akken iwata izen ikemlen, yessefṛaḥen n Linǧil ; ad izmiren daɣen ad t-sfehmen i wiyaḍ akken ilaq.
Timsirin:
- Yella kan yiwen n Rebbi, Win i ɣ-d-ixelqen.
- Amdan d txelqit meṛṛa yessexṣeṛ-iten ddnub.
- Rebbi yefka-d yiwen n ttawil i leslak.
- Yasuɛ Lmasiḥ, d netta i d Amsellek-nneɣ.
- Lmasiḥ ad d-yuɣal ɣer lqaɛa i wakken ad ikemmel ccɣel n leslak-nneɣ.
Nouvelle version: Révisée et téléchargée le 1 janvier 2025!