Issufeɣ-it ɣer berra, yenna-yas: « Muqel igenni. Ḥseb kan itran, ma tzemreḍ ad ten-tḥesbeḍ! » Inna-yas daɣen: « Akka ara tili tarwa-k. » Laṣel n ddunit 15.5
Di 27 n yidlisen n Lԑahd ajdid, deg-sen rebԐa Linǧilat akk-d lecɣal n Rrusl i yellan am yedlisen n umezruy ; deg-sen tibratin si tebrat i wat Ruman alamma t-tabrat n Yuda i yellan t-tibratin ye··uren d aselmed, i d-ittuketben i tmezgida ; deg-sen daɣen adlis n Uweḥḥi i yellan d adlis n ttebcirat, ihedder-ed ɣef tuɣalin n Ԑisa Lmasiḥ. Ԑisa Lmasiḥ ihegga abrid i tira n Leԑqed ajdid mi yexter tnac-nni n yinelmaden, yellan d imceggεen, ad ilin d inagan i iwalan s wallen-nsen iwakken ad ḥerzen yerna ad slemden i wiyaḍ ayen akken walan (Yuḥenna15.27). Iceggeε-asen-d Rruḥ Iqedsen i ten-iεawnen iwakken ad d-mmektin yerna ad arun ayagi merra. (Yuḥenna 14.26). Tamezdayt tebna ɣef uselmed n yimceggεen, yeεni inelmaden imezwura n Ԑisa Lmasiḥ. (At Ifasus 2.20).
Timsirin:
- Lweɛd yettunefken i Yebrahim: D lbaraka i yegduden meṛṛa
- Agzul ɣef umezruy n Lɛahd aqdim
- Linǧilat: Inagan i ywalan i d-yeḥkan ɣef tissin n Lmasiḥ
- Tamezdayt tmezwarut: imceggɛen ssawḍen taflest tamasiḥit ɣer tqerna n ddunit
- Tibratin: aselmed i tmezdayt