Iswi n Temsirt
Aεiwen n lmumnin, deg yimukan anida tamezdayt mazal-itt meẓẓiyet, iwakken ad fehmen akken iwata d acu i d tamezdayt d umkan isεan deg-s iwakken ad awin lfakya s tuget, am iεeggalen d imḍebbren, ad ttekkin deg unerni n Tgelda n Yillu.
Asrudem n temsirt (Description du cours)
Tamsirt-a ad d-tessenqed tamlilt talemmast i tesεa tmezdayt tameɣradant deg uɣawas n Yillu iwakken ddunit merra ad d-tsel i Linǧil wad tettwabeddel s yis. Mačči siwa kan azal asnilluyan n tmezdayt iwumi ara ifk amkan d wazal, meεna ad issenqed daɣen tiddin d unerni n tmezdayt, am ufekkiw iddren anida akk iεeggalen dduklen. Gar isental illan deg-s, nezmer ad d-nebder gar-asen: Timsisin (leεqudat) n Yillu d talsa (tamsist taqdimt akked tejḍiḍt), assaɣen gar lmumnin, aseddu n tmezdayt, Lmasiḥ illan d aqerru ɣef tmezdayt, timasitin n yal lmumen di terbeεt d utekki-s deg warmuden, aɣḍas deg waman d lemxalṭa (Tiremt n usmekti), amkan n tukciwin n Rruḥ, tuṭṭfa di tdukkli d immal n tmezdayt am texḍibt n Lmasiḥ.
Igmaḍ i ittwarǧan seg usileɣ-a
Agbur: Γer taggara n temsirt, anelmad…
- Ad As-teεǧeb Tmezdayt di tmanagt-is (lεaḍima), di tanḍa-is (diversité) d tmeɣradant-is.
- Ad iεqel d akken Tamezdayt d talemmast n uɣawas n Yillu i leslak n Talsa.
- Ad igzu d akken Tamezdayt di Leεhd Ajdid d asewseε n ugdud n Yillu n Leεhd Aqdim.
- Ad izmir ad d-issefhem amek Lmasiḥ d aqerru n Tmezdayt ma d Tamezdayt d tafekka-s di ddunit.
- Ad iεqel amkan i tesεa tmezdayt tadigant di Tmezdayt Tameɣradant.
- Ad ifhem iferdisen igejdanen n tudert n tmezdayt d lsisan n snat n tigawin tuɣrisin (sacréments) iyessers Lmasiḥ d unamek-nsent.
Ṭṭbiεa: Γer taggara n temsirt, anelmad yewwi-d fell-as
- Ad yer d ayla-s tilawt n Leḥmala n Yillu i Tmezdayt, i ɣef ittḥadar yerna illan di tlemmsat uɣawas-is n leslak.
- Ad isεu lebɣi ameqran ad ittekki di tmezdayt tadigant wad ittekki, s wannuz, i unerni-s d tdukkli-s.
- Ad d-ibeggen d akken ifhem mliḥ d acu i d anamek n lemxalṭa gar watmaten: ad inadi amek ara iḥrez assaɣen n tdukkli s wannuz d rruḥ n ssmaḥ, s ṣṣber d lxir, ad iqbel ad ittwandar s leḥmala wad isεu assaɣen d watmaten wiyaḍ i useǧhed neɣ i usebɣes-nsen.
Tiẓwarin: Γer taggara n temsirt, anelmad…
- Ad izmir ad ittekki di tigawin akken yella uselmed akked lɛadat n tmezdayt-is tadigant.
- Ad iwali Tamezdayt n Lmasiḥ, d tafekka iddren i dduklen, anida tadawsa-s d unerni-s tcudd ɣer uεezzem n yimekdiyen akken ad rren d lfeεl sin n lumur imeqranen, akken i d-ttwanan di Matta 22.37-39.