Iswiyen n Temsirt
Aḥelles n yimeqranen n tmezdayt, imḍebbren n trebbuyaε n yinelmaden d imeksawen ɣef umkan isεan deg useddu n tmezdayt d uεiwen-nsen akken ad wenεen Tiẓwarin-nsen s imenzayen isemras* (pratiques) ara yettuṭebqen di leqdic-nsen, akken illa umedya n “yimḍebber-aqeddac” .
Tarudemt n temsirt (Description du cours)
Tamsirt-a tlemmes ɣef tisraḍ (caractéristiques) ɣef useddu n tidet n tmezdayt di rruḥ. Di tazwara, ad isenqed udmawanen n Tira i yellan d imḍebbren, am Musa, Dawed, Yasuε d Bulus. S yin, ad iknu ɣer temlilt n yimeqranen d imεiwnen, mebla ma nettu tamlilt i sεant tlawin di tmezdayt. Isental nniḍen yettwasistlen (traités) d leqdic n ttebcirat, n uselmed d wassaɣ n talelt, tikli di tmezdayt, tadrimt n tmezdayt d wassaɣen gar imeksa d imḍebbren wiyaḍ.
Igmaḍ nettraǧu seg usileɣ-a
Agbur: ɣer taggara n temsirt, anelmad….
- Ad iẓer d acu i d tamlilt n yimeqranen d imεiwnen, akked tiɣariwin-nsen d tmasitin-nsen.
- Ad issiweḍ, ɣer taggara, ad iεqel tukciwin-is am yimḍebber, d ameksa neɣ d aselmad.
- Ad izmir ad isrudem akk iɣaniben n useddu n tmezdayt wad iεqel imihiyen n useddu amdabu (autoritaire)..
Ṭṭbiεa : Ɣer Taggara n temsirt, Anelmad ilaq:
- Ad yeg alfad iṣṣeḥḥan akken ad iseddu s leqdic: ad iqdec ɣef tfekka n Lmasiḥ s wannuz d leqdasa s tukciwin d tzemmar i as-d-ifka Yillu.
- Ad yeg azal i tdukkli tamasiḥit d lsisan-is asnilluyan wad d-isbeggen lebɣi ad inhu ɣef tdukkli di tejmaεt deg yettili d tmezdayin illan di temnaḍt-is.
Tiẓwarin : Ɣer Taggara n temsirt, Anelmad…
- Ad yili iḥelles iwakken ad iwelleh wad iḥud ɣef tmezdayt deg illa, iwakken ad igerrez armuden-is wad iwekkel timasitin deg yiwen n rruḥ n wannuz amasiḥi iwakken yal yiwen ad innekmal di tudert-is Tiɣri n Yillu.
- Ad ifhem imenzayen n lsas n ferru n tilla yerna ad iwjed akken ad isnes akken iwata tugrint (discipline) n tmezdayt.
- Ad yizmir ad iseddu lεibada, ad ibeccer izen neɣ ttebcira tamecṭuḥt ( 15 n ddqayeq) yerna ad iwelleh tazrewt neɣ leqraya n Tira Iqedsen.
- Ad yizmir ad d-yeg tazmamt n tedrimt wad istkellef s temsal timecṭaḥ n tedrimt di tmezdayt.
- Ad iwjed ad d-yeg iswiyen d tsuddest i gemmu n tmezdayt-is s wayen illan d tiɣbula iwejden d umatu.