Aweḥḥi d Tehreg n Tira (LMD 202)

Iswi n Temsirt

Asileɣ n yimeqranen n tmezdayt, imḍebbren n trebbuyaε n yinelmaden d imeksawen d areṣṣi n laman-nsen di Tira i yellan d Awal n Yillu yerna innekmalen iwakken ad ten-iwelleh di leqdic-nsen.

Asrudem n Temsirt

Tamsirt-a tessenqad s telqay amkan i sεant Tira di tudert n lmumen. Tessefruri tiddin n ujerred n Tira Iqedsen yerna tettarra-d ɣef waṭas n yibegginen imeẓẓulanen (arguments logiques), imazrayanen d ussnanen i yettwasxedmen mgal Tira. Ad d-issken tineqiḍin tigejdanin  n lsas i yeεnan assifrer n Tira Iqedsen. Skud iteddu di temsirt, anelmad ad d-yaf d akken awal i d-ittuweḥḥan sɣur Yillu di 66 idlisen n Tira Iqedsen d yiwen n lsas iǧehden ara s-ifken ad ilmed tidet taḥeqqanit ɣef ddunit tangawit d tin n rruḥ i as-d-izzin, akken ad tt-ifhem wad tt-yerr d lfeεl.

Igmaḍ yettwarǧan seg usileɣ-a

Agbur: ɣer Taggara n temsirt, anelmad…

• Ad yissin amgarad illan gar Uweḥḥi amatun d uweḥḥi uslig.
•  Ad igzu isegran* (composantes) n Yillu d wid n umdan di gemmu (tiddin) n uweḥḥi n Tira.
• Ad yizmir ad d-yessefhem amek fehmen yimasiḥiyen tikti n uweḥḥi akked gemmu-is neɣ amecwaṛ-is deg wayen i tesɛa d ayla-s weḥd-s.
• Ad issiweḍ ad d-issefhem tamlilt talemmast n Tira Iqedsen am tezmert* (autorité) ifuqen i umasiḥi, mgal ansayen d lεadat, n tarmit, n yimdanen imezriren (imdanen yeqwan di ddunit), d kra yellan d lεeqliyat n yimdanen akked ṣṣenf nniḍen akk n ṣṣelṭnat.
• Ad issiweḍ ad yeg amgarad gar Awal n Yillu i d-yuɣalen d amdan (Lmasiḥ Ԑisa) d Wawal n Yillu yettwarun (Tira).  Ad issiweḍ ad d-issefhem s tewzel amezruy n wamek i d-ttwajemεent Tira (66 n yidlisen n Lεehd Aqdim d Lεehd Ajdid).

Ṭṭbiεa : Γer taggara n temsirt, anelmad…

•  Ad Izmir ad d-issiweḍ s tarrayt isseqnaεen acimi (t) yumen d akken Tira d tazmert tawḥidt i teflest-is netta (d akken Tira Iqedsen d lsas n wayen akk ittamen deg wayen iεnan Adasil (aselmed) yerna d nettat i t-ittwellihen deg wayen iεnan tikli d lfeεl).