Iswi n temsirt
Ad d-nawi inelmaden ad d-ṭfen izen n linǧil, ad lemden ad qqaren wad zerwen Leεḥd Ajdid wad gzun asatal-is amazrayan neɣ asnilluyan, iwakken ad ilin d imḍebbren n trebbuyaε n yinelmaden iwenεen d iselmaden neɣ d imbeccren ifuqen di tmezdayin-nsen.
Asrudem n temsirt
Tamsirt-a tbeddu s yiwet n tmuɣli ɣef uɣawas n Yillu i leslak n ddunit i yewḍen, deg yiwet n tallit deg umezruy, ɣer tisin n Lmasiḥ ar ddunit. S tezrewt n Linǧil, tamsirt tkennu ɣer wudem n Ԑisa Lmasiḥ, i d-issken mačči kan di tmaggit-is, meεna isnekmal akk udmawen n usenfar amcafεan n Yillu s tlalit-is, s tudert-is, s lmut-is d ḥeggu-s. Tamsirt tessebgan-d s yin akkin amek i tennejbad mliḥ tmezdayt– d tanfalit n unerni n tgelda n Yillu– i d-illan s ubeccer n yimceggεen, ladɣa Bulus imceggeε. Γer taggara, tamsirt ad d-tessenqed lsisan n liman d leslak s Ԑisa Lmasiḥ, am wakken i d-ttwasneflen di tebratin n Yimceggεen.
Igmaḍ yettwarǧan seg usileɣ-a
Agbur: Γer taggara n temsirt, Anelmad…
Ad izmir ad d-isrudem amkan alemmas i isεa Lmasiḥ d tuɣdat-is (lkalafa-s) di leεhd ajdid yerna ad issiweḍ ad d-isbeggen assaɣ asridan i yellan gar uɣawas n leslak i issers Yillu di leεhd Aqdim.
- Ad issiweḍ ad issers udmawanen d tedyanin tilemmasin n leεhd ajdid akken i d-mseḍfarent di lweqt.
- Ad izmir ad iεqel wad isrudem s tewzel udmawanen n Leεhd Ajdid.
- Ad izmir ad d-yeg agzul i uselmed agejdan n leεhd ajdid.
- Ad izmir ad iεqel ttawilat igejdanen i yettekkan deg unerni d ureṣṣi n tmezdayt tamezwarut akken i d-illa deg udlis n lecɣal n yimceggεen d tebratin n Leεhd Ajdid.
Ṭṭbiεa: Γer taggara n temsirt, Anelmad ilaq-as…
- Ad yerr i tiɣri n linǧil akken ad icrek izen n leslak yellan di lmasiḥ Ԑisa, deg ustal-is n yimiren di tazwara, s yin akkin, akken bɣun llan imukan deg isεa tazrirt (influence).
- Ad iqbel wad ifhem d akken linǧil n Tgelda ilaq ad d-ixleq abeddel seg uẓar di tudert n win i t-iqeblen wad d-yeg later anida yettidir.
- Ad yili d win igzan imenzayen ilsisanen i yeεnan tudert d unerni n Tmezdayt di Leεhd Ajdid.
Tiẓwarin: Γer Taggara n temsirt, Anelmad…
- Ad izmir ad d-issefhem izen n leslak di Lmasiḥ Ԑisa, akken i d-ttwabder di Leεhd Ajdid, i yal yiwen ittnadin ɣef linǧil.
- Ad izmir ad d-yini tiseddarin n Leεhd Ajdid si ccfawat-is wad tent-id-issefhem.
- Ad issiweḍ ad tent-ifk i gam-s neɣ i weltma-s di liman, i terbeεt n tezrawt neɣ i tejmeεt tadigant d wayen akk ilmed ɣef isental igejdanen n Leεhd Ajdid.
- Ad issiweḍ ad d-issken later n umenzay alemmas i yelmed di temsirt wad d-issken abeddel-a neɣ armud-a i wiyaḍ.