Iswiyen n temsirt :
Aεiwen n yimasiḥiyen ad gzun amek iwulem ad idiren taflest-nsen wad ilin d inagan n Lmasiḥ di twacult-nsen, di tejmeεt-nsen, deg uxeddim-nsen neɣ deg uɣerbaz-nsen.
Asrudem n temsirt :
Tamsirt-a tesrusu lsisan n tudert ittwaεacen s tarrayt n leqsed iwulmen akken iwata i yal lmumen i ibɣan ad yili d anagi imekdi n Lmasiḥ. Anelmad ad ibdu s unadi n wayen i swayes ara d-teglu Tnagit-is s Lmasiḥ d lemziyya i d-ittunefken i win ibɣan ad yidir s tarrayt-a. S yin, ad issenqed lmeεna-s, s tmuɣli n Tira wala d tin n lfeεl, akken ad yili d anagi di twacult-is, di tejmeεt-is, deg uxeddim-is neɣ deg uɣerbaz. Di temsirin ara d-iddun, anelmad ad iheggi iman-is akken ad icrek tinagit-is ɣef temlilit-is d Ssid d wassaɣ-is akked Yillu s Lmasiḥ Yasuε. Γer Taggara, ad d-immeslay s tririyin ɣef nnmarat i yettwaxedmen mgal taflest tamasiḥit. Di temsirt taneggarut, anelmad ad ilmed amek ara yidir d anagi imekdi sdat n uqehher.
Igmaḍ ittwarǧan seg usileɣ-a :
Timussninwin : Γer taggara, Anelmad…
- Ad issiweḍ ad issegzu lmeεna, alaḥsab n Tira Iqedsen, ad yili d anagi n Lmasiḥ yerna ad iwjed akken ad d-imel wad d-issken xersum sin imedya si Tira.
- Ad yizimir ad d-isrudem acḥal isεa azal wassaɣ d Yillu d wamek izmer ad ifk i lmumen ad yaẓ ɣer sdat wad isεu ṭṭmana iwulmen akken ad yidir tudert n unagi n Lmasiḥ.
- Ad izmir ad d-iεqel iferdisen akk i t-issawḍen ɣer ttuba d unerni-is di liman di Rebbi s Lmasiḥ Yasuε.
- Ad issiweḍ ad d-yerr i tlata n timnumar i yettilin mgal taflest tamasiḥit :
- D akken Yasuε mačči d mmi-s n Yillu.
- D akken ur immut ara ɣef umidag , yerna ur d-iḥyi ara.
- D akken Tira IQEDSEN tettwaḥerref, dɣa ur nezmir ad nessers deg-s Laman.
Ṭṭbiεa : Γer Taggara n temsirt, Anelmad izmer ad d-ibeggen…
- Laman-is deg Yillu, imi iḥṣa d akken ad t-yerr d win izemren ad d-yidir s lmeqsud am unagi n Lmasiḥ, d ubɣis yerna d imekdi, di twacult-is akked d tejmeεt-is, deg uxeddim-is neɣ deg uɣerbaz.
- Ṣṣber d lferḥ m’ara yettwaqehher ɣef ddemma n tnagit-is di Lmasiḥ.
- Tummda-s (integrité) yerna ur issurdu (compromettre) ara cchada-s s tudert n ddnub neɣ s tikli ixulfen taflest-is di Lmasiḥ.
- Leḥmala d tmella (lemɣiḍa) ɣer lǧiha n lmumnin wiyaḍ i isεan tiwεirin di cchada-nsen.
Tiẓwarin: Γer Taggara n temsirt, Anelmad …
- Ad iwjed ad yeg kra n yisurifen usligen akken ad d-iched s Lmasiḥ di twacult-is, di tejmeεt-is, deg umḍiq n uxeddim-is neɣ deg uɣerbaz.
- Ad issiweḍ ad isseǧhed wad iẓẓal i lmumnin wiyaḍ i yettneεtaben di tnagit-nsen neɣ i yettenḥafen seg uqehher.
- Ad issiweḍ ad d-issefhem s tewzel yerna s usefru n wawal Linǧil n Lmasiḥ Yasuε yerna ad t-id-iwekked akken iwulem s tseddarin si Tira Iqedsen.
- Ad yissiweḍ ad d-yini tinagit-is wad d-immeslay ɣef temlilit-is d Lmasiḥ Ssid-is (leslak-is) d wassaɣ-is gar-as d Yillu.