Ittwahegga ɣef ddemma n usileɣ n lmumnin ijdiden, adlis «Ruḥet, txedmem inelmadem » D yiwet n tezrirt n 22 n tezrawin tisentalin i d-ittawin ɣef wamek ddan di lweqt kra n yiferdisen akked Imenzayen n tezrawt n Tira Iqedsen (190 isebtaren). (Tamsirt-a tewjed s tutlayin n teglizit d taεrabt.)
D acu kan, idlisen ur xeddmen ara inelmaden. Siwa inelmaden i izemren ad d-gen wiyaḍ.
Adlis ad yaẓ si teswiεt taswiεt ɣer tayeḍ deg usileɣ-nwen, segmi ara tqeblem Lmasiḥ d amsellek-nwen. Meεna ilaq-awen ugar n udlis akken ad d-tegmum. Teḥwaǧem imwelleh- Imwelleh di rruḥ. Lmasiḥ illa d imwelleh i 12 n yinelmaden. Musa illa-t i Yacuεa. Ilya Illa d imwelleh i Ilicaε. Bulus i d-issekren Timutawes. Tzemrem ad d-teɣrem adlis-a i yiman-nwen wad d-teksem aṭas seg-s. Lameεna, ad d-tesεum ugar m’ara d-tafem lmumen i kun-yugaren ama di leεmer am di lekyasa, win i tettqadarem yerna ara iqblen ad iɣer yid-wen adlis-a. Qqimet akken, xersum yiwet n tikkelt i ddurt, iwakken ad d-temmeslayem ɣef wayen i tlemdem. Ssutret-as d acu iwala ɣef usentel n temsirt.
Ma illa wamek, sqedcet adlis-a akked terbeεt. Tarbeεt n xemsa ifaz nezzeh.
Yal tamsirt ad d-teṭṭef ddurt limmer d lebɣi, ma tefkam-as azgen n ssaεa i wass.
Am akken i t-id-iqqar udlis n lemtul: » Uzzal ittwamsad s wuzzal; amdan ittwamsad s urfiq-is. » (Lemtul 27.17) tuɣalin d anelmad, d m’ara neqbel ad nettwaselmed sɣur wid i aɣ-izwaren deg ubrid n liman.
Ma tekkrem-d di tmezdayt, kra n yisental ur awen-ttilin ara d ijdiden. Meεna neqqar d akken ytamuɣli yettwasqedcen deg udlis-a txulef ayen illan di tmezdayin. Meεna adlis-a ur yettwaru ara i unelmad i d-ikkren di tmezdayt. Yettwaru i inelmaden n Lmasiḥ i d-ittasen ɣur-es si tqerniyin n Usamer Alemmas d Tferka Ugafa. Yettwaru i tarwa yettwazrebεen n Abraham i d-yuɣalen tura ɣer liman n babat-sen. Liman d d udumu-nwen d amedya i aɣ-issebɣasen yal ass. Kenwi d ttbut n leqdic anezmar n Lmasiḥ. i nekni d lεez-nneɣ m’ara neddu deg usileɣ-nwen. Ih, yyaw! Llant tɣawsiwin ara nelmed ad tent-nexdem, llant tɣawsiwin ara nelmed ad tent-nili. Siwa nekni i izemren ad neḥbes iman-nneɣ ɣef umidag d lebɣi ad neddu d Lmasiḥ.
Alors, allons-y! Il y a bien des choses qu’il faut apprendre à faire et des choses qu’il faut apprendre à être. La seule limite est notre propre réticence à embrasser la croix et à suivre Jésus.
(Taglizit) (Taεrabt)