Iswi n temsirt
Aḥelles n yimḍebbren n trebbuyaε tijdiden n yinelmaden d tmezdayin tilmeẓyin iwakken ad izmiren “ad d-ziknen s tewqem Awal n tidet” d uselmed-nsen s useqdec n wallalen ifessasen i ussifrer n Wawal n Yillu (herméneutique).
Asrudem n temsirt
Tamsirt-a tessenqad aṭas n tarrayin n tezrawt n Wawal (tasleḍt (analyse) n uḍris, tazrewt n udlis, tazrewt n usental, tazrewt n wudmawan uslig) dɣa, s waya, ad yefk i unelmad yiwet n tmuɣli tafessast ɣef ussifrer n Wawal n Tira Iqedsen. Tamsirt ad d-tawi inelmaden s imenzayen n lsas n wannuy, n ussifrer d tririt d lfeεl s tezrewt n 1 Buṭrus. Inelmaden ilaq-asen, s yin akkin, ad rren d lfeεl imenzayen-a i tezrawt n Tebrat i Filimun.
Igmaḍ yettwarǧan seg usileɣ-a
Agbur : Γer taggara n temsirt, anelmad ad issiweḍ…
- Ad d-issken xemsa n yimenzayen imatunen n tezrawt turmidt n Tira Iqedsen.
- Ad d-issefhem rebεa n tarrayin n tezrawt n Tira Iqedsen i yettwasqedcen i tezrawt n 1 Buṭrus di temsirt-a.
- Ad d-issefhem imenzayen imatunen n ussifrer iwenεen n yixef uslig i d-ittwakksen si Tira Iqedsen.
Ṭṭbiεa : Γer taggara n temsirt, Anelmad yewwi-d fell-as…
- Ad d-yerr s lexbar s s umihi (lexṣara) swayes i d-igellu leɣlaḍ deg ussifrer n Tira Iqedsen neɣ aseqdec n uḍris neɣ n tseddart ɣef ddemma n tmuɣli neɣ iwakken ad itetteki ɣef tikti i d-ikkan mgal usatal d lmeεna n yixef-nni.
- Ad iεqel d akken tazrewt n tira ur tesεi ara kan iswi n taccart n wallaɣ d tmusni, meεna aya ilaq ad yawi bab-is ɣer tririt d lfeεl n wayen i tesselmad.
Ad ifad tamusni n Wawal n Yillu, « Akken i tettnadi tzerzert ɣef waman… » (Psaume 42.1)
Tiẓwarin: Γer taggara n temsirt, anelmad ad issiweḍ :
- Ad yeg azal i usatal n Tira Iqedsen, ama d amazrayan, d adelsan neɣ d asnilsan n yixef m’ara d-yeg tazrewt i kra n yixef si Tira Iqedsen.
- Ad isseqdec allalen-a i tezrawt n Tira: Tamtatit (concordance), Asegzawal n Tira, Tiwellhiwin (références), iwenniten d waṭlas n Tira.
- Ad d-issken amek i izmer ad iεqel iswi n umeksar n udlis di Tira Iqedsen, m’ara d-issefhem iswi n 1 Buṭrus.
- Ad isnes (ad iṭebbeq) izen n yixef si Tira i ustal-is netta d lweqt ideg yettidir.
- Aεqal n tikti tagejdant n uḍris n Tira menwala. Asnes (aṭebbeq) n yimenzayen n tezrawt n Tira akken illa usental-is.