Taxelqit, Tuccḍa d ureggem n leslak
(Bibl201)
Ad nweṣṣi s leḥrara ad ibdu ahil n tezrawt s uzeggir TIRA201 , s yin ad izrew izeggiren n umezruy (TIRA202–TIRA203–TIRA204) akken i d-mseḍfaren. S wakka anelmad ad d-yaf s usfari* (progressivement) amek Illu iga aɣawas n leslak deg umezruy. Yerna, yal azeggir ibna ɣef wid iεeddan wad yili, s timmad-is, d lsas i wid i d-iteddun.
Anelmad Ad isseqdec imenzayen n lsas n ussifrer n tira (Herméneutique) akken i d-llan deg uzeggir TIRA201.
Send ad ibdu tamsirt-a, Anelmad ilaq ad iɣer adlis n Laṣel n Ddunit s lekmal. T
Iswan n Temsirt
Asekcem n yimeqranen n tmezdayt, imḍebbren n trebbuyaε n yinelmaden d wid issersen lsas i tmezdayin i temsalt n tuccḍa n umdan d uεeddi ɣef uɣawas n Yillu i leslak-nneɣ s tezrawt n udlis n Laṣel n Ddunit. Tazrewt-a ad asen-tefk ad gzun ugar ayen i d-iqqimen si tira. Ɣef waya, ilaq lmumnin ijdiden ad gzun kra n yimmektayen n Tasnillu i ilaq ad gzun deg usatal n tallit-nneɣ.
Asrudem n Temsirt
Tamsirt-a tbeddu s usenqed n ṭṭbiεa n Tira d uweḥḥi. Tettkemmil s uεawed n wullisen n txelqit n ddunit, d ddeεwessu i d-iɣlin ɣef Adam si tuccḍa-s, s unfufed n ddnub i d-wwin aḥemmal ameqran, d ṭṭbiεa n temsist n Yillu akked Abraham d lejdud alamma d tnezduɣt-nsen di Maṣer.
Igmaḍ yettwarǧan seg usileɣ-a
Agbur: Γer Taggara n temsirt-a, anelmad…
- Ad igzu d akken Illu iweḥḥa-d iman-is s tarrayt ittwafhamen alammi d tisisn n Lmasiḥ Yasuε (d aweḥḥi i d-yusan s usfari) (révélation progressive).
- Ad igzu neɣ ad ifhem asatal n Tira (amezrayan, adelsan d win n tutlayt) n Udlis n Laṣel n Ddunit.
- Ad izmir ad d-ifk isental igejdanen n udlis: taxelqit, tuccḍa d ireggimen (lewεud) n temsist (alliance).
Ṭṭbiεa: Γer Taggara n temsirt-a, Anelmad ilaq-as…
- Ad iεreḍ ad iεaned assaɣ n tdukli i yesεa Abraham d Yillu axellaq.
- Ad ibɣu ad issiweḍ Linǧil i ddunit, ttawil awḥid i leslak n talsa s twaɣyin n ddnub d tinnufqa-s mgal Illu.
- Ad d-isbeggen lebɣi n ttuba deg unadi, s leḥrara, ssmaḥ n Yillu.
- Ad inadi ad isnefli akked uxellaq-is assaɣ icuban assaɣ n tdukli i yesεa Abraham d Yillu.
- Ad isεu lebɣi ad d-issken Lmasiḥ anida ma yella, imi s Lmasiḥ kan i zemren imdanen ad afen leslak si twaɣyin n ddnub d tinnufqa-nsen mgal Illu.
- Ad d-isbeggen lebɣi n ttuba si ddnubat-is wad inadi s leḥrara ssmaḥ n Yillu.
Tiẓwarin: Γer taggara n temsirt, anelmad…
- Ad issiweḍ ad d-issefhem tayunt (Unité) n uweḥḥi n Tira Iqedsen.
- Ad yessiweḍ ad d-iεqel udmawanen igejdanen n Laṣel n Ddunit wad ten-issers deg usatal-nsen amazrayan.
- Ad yessiweḍ ad d-issefhem amkan isεa Yasuε Lmasiḥ di Laṣel n ddunit ladɣa lemεun i yellan deg-s d ṣṣifat n Lmasiḥ ara naf.