Iswi n temsirt
D tiwin n lmumnin d imḍebbren ɣer tegzi talqayant n leslak illan di Lmasiḥ Ԑisa iwakken ad ilin d inagan ifazen wad ssilɣen, s timmad-nsen wiyaḍ, s wayen lemden ɣef usentel-a.
Asrudem n temsirt
Tamsirt tbeddu s uskan d akken imdanen akk ḥwaǧen Amsellek d wamek Illu ihegga ddunit i tisin-is. S yin ad iknu ɣer temlilt isεa Rruḥ Iqedsen deg ucafaε-nneɣ. Seld akin ad d-iknu ɣef yisental n uzekki, n ujedded *(regeneration), n uɣḍas n Rruḥ Iqedsen d tudert tamaynut. Γer taggara, tamsirt ad d-tessenqed rebεa n wudmawen n leslak wad d-sbeggen d akken astehzi seg yiwen-nsen izmer ad aɣ-yawi ɣer useεwej n usekkud-nneɣ neɣ maḍi ad d-nekcem di ṭṭayfa.
Igmaḍ yettwarǧan seg usileɣ-a
Agbur : Γer taggara n temsirt, anelmad…
- Ad yizmir ad d-issrudem ddnub s wudmawen-is merra: (1) ṭṭbiεa tamednubt (amenzay n ddnub); ddnubat (Tigawin ixeddem umednub); Abeqqeḍ (imsiges) lqayen i d-ixleq ddnub (ulac ddnub ameqran neɣ amecṭuḥ).
- Ad igzu telqeyt n teḥced n talsa wad d-yawi s lexber s taggara n wid akk ur neqbil ara Linǧil.
- Ad izmir ad d-issefhem amkan alemmas i yesεa uzekki s lemzziya weḥd-es, s ttawil n liman, di tedmi tamnamert.
- Ad izmir ad d-issken s imeslayen issehlen yerna ibanen tegzi tanǧilit n feddu. Ad izmir ad yeg amgarad gar uzekki, leqdasa d usmengay (aεeḍḍem).
Ṭṭbiεa: Γer taggara n temsirt, anelmad ilaq-as…
- Ad izmir ad d-iched akken iwata s leslak n lemzziya, s ttawil n liman, wad iεezzem ad t-issken s timmad-is.
- Ad isεu lehna talqayant ɣef wayen iεnan ṭṭmana n leslak-is d taggara-s di Lmasiḥ.
- Ad iεqel di taggara tameɣlalant n wid iḍaεen wad isεu leḥrara ad d-yawi wiyaḍ ɣer leslak s liman d Lmasiḥ Ԑisa.
Tiẓwarin : Γer taggara, anelmad…
- Ad issiweḍ ad d-yeg yiwet n teskant isehlen yerna ibanen n uɣawas n leslak (5 ar 10 n ddqayeq).
- Ad issiweḍ ad iḥudd, s ttawil n liman, s lebyan, Asekkud n uzekki s lemzziya, s ttawli n liman, nemgal azekki s lefεayel wad d-isrudem tamlilt i tesεa Ccariεa akken ad aɣ-d-tawi ɣer leqniεa n ddnubat-nneɣ d Liman di Lmasiḥ.
- Ad issiweḍ ad iḥud s tarrayt ittqenniεen asekkud anǧili n leslak sdat n yisifrar iɣelḍen d waddeuden iṭṭeyfen* (hérétiques).
- Ad izmir ad d-isrudem deg wacu i d-ittawi leslak, s tarrayin imgaraden, abeddel di tudert n lmumen.