Iswan n temsirt
Aεwiwen n yimeqranen n tmezdyat, imḍebbren n trebbuyaε n yinelmaden d imeksawen isbedden timezdayin anida i llint tiwwura n linǧil, ad gen asaɣ gar umezruy n tmezdayt-nsen d umezruy n tmezdayt tameɣradant.
Arudman n temsirt
Tamsirt-a tettawi-d ɣef umezruy n Tmezdayt tamasiḥit d tegmi n yilɣan-is imgaraden di ddunit merra, si lmut d ḥeggu n Lmasiḥ alamma d aseggas n 2000 n tallit-nneɣ. Aεeddi-a ɣef umezruy ad d-ijmel (1) Asenfer amezwaru n Tmezdayt si lqern amezwaru alamma d lqern wis Rebεa, (2) Laṣel n beṭṭu n Tmezdayt ɣef ddemma n uselmed, (3) anerni d tegmi n Tmezdayt di temnaḍin imgaraden n ddunit, ɣer taggara (4) tikliwin tigejdanin n yimeɣdaten* (missionnaires) deg umezruy n Tmezdayt.
Igmaḍ ittwarǧan seg usileɣ-a
Agbur: Γer taggara n temsirt, Anelmad ad issiweḍ…
- Ad iεqel xemsa n liḥalat n tegmi n Tmezdayt, si tallit n Tmezdayt tamezwarut armi d ass-a.
- Asrudem n usewseε n Tmezdayt di talliyin-is imgaraden n umezruy-is d uskan d acu n temlilt i d-gan, cchada tamasiḥit d tuɣdat, deg usewseε-a.
- Ad d-yfek imedyaten i d-ikkan seg umussu ameɣdan iwakken ad d-issken deg wacu i yella d lmendad i tiẓin n tmezdayt di ddunit.
- Ad igzu ṭṭbiεa n tmezdayt tameɣradant d tmezdayt tadigant wad d-isneεt tlata n timudmatin* (modèles) i d-isskanayen assaɣ illan gar ta d tayeḍ.
- Ad d-isrudem isekkuden (iselmad) igejdanen imgaraden gar tmezdayt takaṭulikt, tamnamart d Tanǧilit.
- Ad d-iḥku amezruy n tmezdayt deg yettili wad tt-issers deg ukatar n tneflit n Tmezdayt di tmurt-is wala di temnaḍt-is.
Ṭṭbiεa:Γer taggara n temsirt, anelmad ilaq-as…
- Ad yefk azal ameqran i uselmed d tririt n lfeεl n Wawal n Yillu di tudert-is wala di tmezdayt deg yittili.
- Ad iwjed ad iqabel aqehher (ara d-yasen ass-a neɣ azekka di tudert n wid itekkan di tmezdayt n Lmasiḥ) wad iṭṭef di liman. Tiẓwarin: Γer Taggara, anelmad ad izmir…
- Ad iεqel xemsa n wansayen iṭṭeyfen (hérétique) d xemsa n ṭṭayfat titrarin d uskan deg wacu ixulfent aselmed n Tira.
- Ad d-iḥku amezruy n laṣel n waṭas n yismawen n tmezdayin, ladɣa tid n tmezdayt takaṭulikt, d tmezdayt tasmeskelt (reformée) d yileɣ n umussu n tukciwin n rruḥ wad iεqel aselmed i tent-issemgaraden di lsas.
- Asuddes n tmezdayin deg yixxamen am wakken i tella tmezdayt tamenzut.
- Ad d-ifk tlta imedyaten i d-isummunen (illustre) Adummu n Tmezdayt sdat n Uqehher di leqrun iεeddan wad d-issken amek i nezmer ad ndum di talliyin d icqiriwen n wass-a.
- Ad issefhem amek i (t) izmer ad d-(t) ittekki azekka deg ussewseε n tmezdayt di tejmeεt deg yettidir s tikli-s d tuẓẓut n tmezdayin timaynutin.