Iswiyen n Temsirt
Aseǧhed neɣ asebɣes n wid imzawaǧen, di trebbuyaε n yixxamen neɣ n tmezdayin timaynutin, akken ad d-ssegmin assaɣen n zzwaǧ iṣfan, iǧehden, ittqenniεen yerna ittεuzzun Illu, iwakken zzwaǧ-nsen ad d-ibeggen assaɣ illan gar Lmasiḥ d Tmezdayt-is wad d-fken cchada ilhan deg yimukan ideg ttidiren.
Asrudem n Temsirt (Description du cours)
Tamsirt tbeddu s tezrawt n uɣawas n Yillu i zzwaǧ, akken illa deg Tira IQEDSEN. S yin ad iknu ɣer timeẓra imgaraden n zzwaǧ : lmeḥwiǧat n tuǧǧit n yimawlan, takdit i ucrik di tudert kamel d tdukkli n wid imzawaǧen ara yuɣalen d yiwen, ɣas ma mgaraden. Tamsirt tkennu s yin akkin ɣef temlilt n urgaz d tmeṭṭut akken illa di Tira Iqedsen. Seld aya, aṭas n temsirin neɣ iḥricen i yettwaheggan i uwenneε n wassaɣen gar urgaz d tmeṭṭut s teywalt (communication) ifazen, timenna seg wul ɣef leḥmala illan gar-asen, ferru n tilla, atḥekkem deg wurfan d wassaɣen n tuzzuft iwenεen. Tamsirt taneggarut ad d-tawi ɣef lsisan Yellan di Tira ɣef ttrebga n dderya.
Igmaḍ yettwarǧan seg usileɣ-a:
Agbur : Γer taggara n temsirt, Anelmad…
- Ad igzu d akken, akken illa uselmed n tira, am tiεezrit am zzwaǧ d snat n liḥalat ittwaεuzzen sdat n Yillu.
- Ad issiweḍ ad d-yini imenzayen n Tira i lxetyar ilhan n ucrik.
- Ad yizmir ad d-issefhem Azal d wamek zzwaǧ amasiḥi i d-iskanay, am uzamul, ilmuden igejdanen i yellan di Leεhd Ajdid.
- Ad issiweḍ ad d-isrudem tamlilt n urgaz, n tmeṭṭut d dderya akken illa umedya di Tira (Alug amasiḥi n twacult)
- Ad izmir ad yessiweḍ ilmuden d imenzayen igejdanen n Tira Iqedsen ɣef wayen iεnan berru.
- Ad izmir ad issiweḍ amek tiwaculin zemrent ad idirent wad gmunt di tmetti taqesḥant i d-ikkan mgal-nsen.
Ṭṭbiεa: Γer Taggara n Temsirt, Anelmad ilaq…
- Ad yerr d ayla-s yiwet n tudert imtatan akked lumur n Tira Iqedsen, ladɣa di ṣṣfa tuzzufant.
- Ad ireggem ad isnerni wad yerr d ayla-s Tikdit di zzwaǧ, am wazal agejdan di tudert tamasiḥit.
- Ad ibdu aheggi i zzwaǧ (ma d aεezri neɣ d taεezrit) deg unadi ad ifhem s telqayt zzwaǧ amasiḥi.
- Ad yerr d ayla-s (wad rren d lfeεl, i yinelmaden izewǧen) tamuɣli n Tira Iqedsen ɣef wassaɣen di zzwaǧ.
- Ad inadi ad ireṣṣi tamagit tamasiḥit n dderya-s m’ara issers ttiεad i lεibada di twacult neɣ s wallalen nniḍen ara isǧehden taflest-nsen
Tiẓwarin: Γer taggara n temsirt, anelmad ilaq-as…
- Ad issiweḍ ad immeslay akken iwata akked iεeggalen n twacult-is.
- Ad isεu assaɣ iǧehden yerna d tazedgant d ucrik-is.
- Ad iḥelles akken iwata iwakken ad d-irebbi dderya iṣelḥen innernan, ama di tfekka, di tnefsit wal di rruḥ.
- Ad yizmir ad yessiweḍ ayen ilmed i wiyaḍ di tmezdayt, ma tettunefk-as teswiεt.