Tazwart
Deg uεeddi-a kan n lεehd aqdim, anelmad ad iɣer wad yerr d lfeεl Lεehd Aqdim di tudert-is, di tmezdayt-is wala deg usatal-is adigan (yaεni anida izdeɣ). Ad ilmed acu n umkan isεa lεehd Aqdim deg usiwel (neɣ taḥkayt) n Tira. Ad iwali amek Lεehd Aqdim ittcehhid-d s Lmasiḥ d wacu n temlilt i yesεa Lεehd Aqdim deg uɣawas n ucafeε n Yillu s ugdud-is akken yella deg umezruy-is.
Tlata n yiswiyen: tamusni, tilin d tiggin (lfeεl)
Imi nebɣa ad d-nessileɣ lmumnin i leqdic imekdi ara d-yawin lfakya deg usatal-nsen uslig, nhegga-d tamsirt-a anida i nessekcem deg yal ixef iswiyen n ulmad ara yettekkin deg unerni-nsen d tenẓuẓi-nsen di tlata n taɣulin : Issin, Ili, egg (fεel) di Lmasiḥ. Nessawel i yiswiyin-a:
- Agbur d teẓwarin n tmusni yeεni (Tamusni)
- Ṭṭbiεa d tenẓuẓi di Rruḥ (Tilin)
- Tiẓwarin deg wayen iεnan tuɣdat (lkalafa) d leqdic (Tiggin)
Aselmed d warmuden n ulmad, akked teskazalt (évaluation), ttwagant akken ad nesseǧhed anelmad i unerni d tenẓuẓi di tlata n taɣulin-a. Aya ahat ixulef akk timsirin i tebεen tuget n yinelmaden deg yizri (neɣ aya iεeddan) yerna d wid itekkan ɣef usileɣ n kra n ugbur. Ilaq daɣen ad ilmed ayen isselmad Leεhd Aqdim yerna, ma illa lxetyar, ad iɣer akk Leεhd Aqdim s lekmal di lweqt i asen-ga i temsirt-a, meεna ayen akk isεan azal d akken anelmad ad innerni di liman-is wad d-yawi lfakya anida yettidir i tmanagt n Lmasiḥ. Γas akken iswiyen i d-nebder ufella ittwagzam yal tikkelt, meεna nεeggen yakan, sdat n yal armud n ulmad neɣ n tigawt ara yettwaxedmen, d acu n yiswi i nettnadi ad t-naweḍ.