Seg yimiren, ttdumun deg uselmed n yimceggɛen, di lemxalta, di beṭṭu n uɣrum akked tẓallit. yal ass, s yiwen ṛṛay, ttnejmaɛen daɣen deg ixxamen-nsen, beṭṭun aɣṛum wway gara-sen, tetten lqut-nsen s nneya d lfeṛḥ.
Lecɣal 2.42 d 46
Rebbi, asmi i d-yessawel i Ibṛahim di (Laṣel n ddunit 12), isken-as-d daɣen ayen i yebɣa ad t-yexdem n wayen ifazen : ad d-yefdu talsa meṛa akken ad yemṣalaḥ yid-es. Yewɛed d akken ad ibarek akk tiwaculin, leɛṛac akk n ddunit ara d-yekken si ‘zerriɛa’ n Ibṛahim, s kra n win ara yilin si ccetla-ines. Yasuɛ yefka iman-is d asfel yerna, s lmut-is d ḥeggu-ines, yefda-d akk talsa, yesbedd yiwet yiwet n temɣiwent tamaynut (nouvelle communauté) i yedduklen deg yiwet n twacult (wid akk yumnen yis i d-yekkan si yal lɛeṛc di ddunit). Yal yiwen yuɣal d aɛeggal di tfekka-ines, d ta i Tamezdayt. (At Ifasus 3.6 et 10).
Tamezdayt n ṣṣeḥ n Yasuɛ Lmasiḥ, d tin i yettwabnan s ineflasen i d-yusan si yal lɛeṛc d yal tamurt. Ssersen akk laman-nsen ɣef Yasuɛ, ttnejmaɛen akken ad ɛebden Rebbi, ad mseǧhaden wway gara-sen.
Neḍmeɛ di Rebbi d akken timsirin-agi d tid ara kun-iɛiwnen ad tfehmem akteṛ ayen i yebɣa ad t-ixdem Rebbi i Tmezdayt, rnu ɣer waya, ad tkecmem di leqdic iɣer iwen-d-yessawel Lmasiḥ, win yellan d lebni n Tmezdayt-is.
Timsirin:
- Lsas n tmezdayt
- Ṭṭbiɛa n tmezdayt
- Leqdicat n tmezdayt
- Imḍebbṛen n tmezdayt
- Ad nesseḥbiber ɣef tdukli n tmezdayt
Nouvelle version: Révisée et téléchargée le 31 décembre 2024!